الثلاثاء، 21 ديسمبر 2010
ضـــاع هـوانـــــا
ضـــاع هوانـــــــا
ومابقتش عارف لسه فاضل منه إيه؟
اللي فات والذكريات..!!؟
مافتكرش هو ده اللي إحنا ياما حلمنا بيه!؟
ولا إنتى حتى نسيتي كنــا بنحلم بإيــه؟
حلمنـــــــا؟؟
كــان شمعه بتنور طريق
كــان ضحكه تطلع وقت ضيق
كــان بدايه لدنيا نعيش فيها وبحق وحقيق
وآدى النهــايــــه
حلمنا .. بقى أشه بتعلق غــريـــق
يا حبيبتى
سيبى نفسك وإبعدي
إنسيني وإمشي في سكتك
الأشه..مش ممكن في يوم راح تنقذك
أنا من سنيـــن .. وأنا لسه واقف مطرحى
وبقيت بحس الدنيا دي لا هي ليا ولا مره كانت مسرحى
يا حبيبتى
وإنتي جنبى مش هييجي اليوم وتفرحى
ومهما ألف
مش هجيبلك غير بكره ضايع مافيهوش حياه
بكره لف بحــور وتـــــــاه
بكره متعلق في خـوفـــه
مارجعش حتى في طوق نجــــاه
ده أنا حتى خايف مره أقابلك
خايف جوه عيني تشوفي حبك
ما إنتي عارفه مستحيل أنساكي قبلك
وإن مره جت ياحياتي سيرتك
مش هفتكر غير كل حاجه حلوه منك
هفتكر لما بإيدي حضنت إيديكى
هفتكر فرحه طلت من عينيكى
فرحه عملتهالك بدبله من ورق
وماجاش في بالي إن الورق بسهوله ممكن يتحرق
وإن اللي فات من عمرنا
والحلم اللي عاش بيضمنا
ممكن في لحظـه نلاقيه غــرق
والنهــايــــــه
ضــاع هـوانـــــــــا
ومابقتش عارف لسه فاضل منه إيـــه..!؟
الاشتراك في:
تعليقات الرسالة (Atom)
.jpg)
هناك تعليقان (2):
شكرا لكم
http://www.qatifad.com/
شركة كشف تسربات المياه بالخبر
إرسال تعليق