الاثنين، 14 أبريل 2008
إمـتـحــان إجـبــاري 1
من قصيدة (أواخــر الـشـتــا) للشاعرة:إليسا أبو ماضى
السؤال الأول:
كنا فى أواخر الشتا قبل اللى فات
زى اليومين دول عشنا مع بعض حكايات
أنا كنت لما أحب أتونس معاه
أنا كنت باخد بعضى واروح له من سكات
أجب عن الأسئلة التالية:
1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟
2- فى أى فصل من فصول السنة كتبت هذه القصيدة؟ (مستدلا على ما تقول)
3- علام يدل التعبير (أنا كنت باخد بعضى وأروح له من سكات)؟
4- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟
5- اختر الإجابة الصحيحة مما بين القوسين:
-الجمال فى قولها (عشنا - معاه): (تصريع - جناس - حسن التفات)
-(روح له من سكات) المقصود بها: (دكاكينى - دحاليبى - ذرابيئى)
-مصدر كلمة (أتونس): (تَوَنًّس - تُونِس - تَنَاسَى)
-(زي اليومين )مجاز مرسل علاقته: (الكلية - المدرسة - الحضانة)
-----------------------********----------------------------
السؤال التاني:
والناس فى عز البرد يجرو ويستخبو
وأنا كنت باجرى وأخبى نفسى قوام فى قلبه
ولحد لما الليل يليل بابقى جنبه
وأفضل فى عز البرد وياه بالساعات
أجب عن الأسئلة التالية:
1- هات من الأبيات مضاد (النهار), وكلمة تؤدى معنى (معاه)
2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.
3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)
4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!
5- أيهما أفضل (ولحد) أم (ولغاية)؟ ولماذا؟
وأنا كنت باجرى وأخبى نفسى قوام فى قلبه
ولحد لما الليل يليل بابقى جنبه
وأفضل فى عز البرد وياه بالساعات
أجب عن الأسئلة التالية:
1- هات من الأبيات مضاد (النهار), وكلمة تؤدى معنى (معاه)
2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.
3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)
4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!
5- أيهما أفضل (ولحد) أم (ولغاية)؟ ولماذا؟
----------------------********----------------------------
إن شاء الله في البوست الجاي هتتسألوا في الكوبليهين اللي بعديهم ياريت تذاكروا كويس وماحد ينسى كراسة الاكسرسيز؟
الاشتراك في:
تعليقات الرسالة (Atom)
.jpg)
هناك 13 تعليقًا:
ههههههههه ياسلام على الابداع ياسلام تصدق حسستنى ان اليسا دى فنانة بجد ..
بس فعلا تكرار فى عز البرد اضعف المعنى .. تصدق مخدتش بالى قبل كدا ؟
بس قولنا يامستر على المنهج بقى علشان نتابع التليفزيون علشان الامتحانات الجاية نجيب درجات حلوة .. وقولنا الاكسرسايز دا نجيبه من ميلودى ولا مزيكا ؟!!!!!!!
ههههههههه
طيب فين الامتحان فى باقى الشريط انا ذاكرت كويس ومستعدة
تحياتى
ayar:أكيد اليسا فنانه بجد يا أيار وبعدين انتي شكلك مش بتكوني مركزه وانا بشرح لأني كتبت في البوست ان الامتحان الجاي هيكون في الكوبليهين اللي بعديهم أما عن الاكسرسيز فده ممكن تجيبيه من أي محل شرايط كاست أو من روتانا كليب لأنها هي صاحبة حقوق النشر
facemoon:ان شاء الله باقي الامتحان هيكون البوست الجاي وأنا هعتبر كل اللي علق نجح ..انشالله ما حد حوش
دمك بجد والله خفيف ايه التحليل الفظيع ده....وازاى قدرت تحط الاسئلة دى؟؟؟بجد بلوج حلو اوى
سوال؟؟
ازاى ممكن اضع اغنية على الصفحة بتاعتى والصور....واكتب حاجة زى ما انت كاتب تحت اترك التعليق....وشكرا
gannah :أولا بشكرك جدا على زيارتك لمدونتي وشكرا لتعليقك ..وانتي تقدري تعملي أغنية في مدونتك بسهوله جدا وكمان موضوع الصور والتعليق أسهل كمان واشئاء الله هتواصل معاكي على مدونتك .
الله يبارك فيك يا (العبدلله)
وشكرا على النصيحة لكن مافيش فيادو مازال ايميلى ملغم بالهيروغليفى ومش عارفة اقرا ولا رسالة
يا ناس اللى عنده حل يقولى قبل ما اتجنن
انا امتحنت قبل كده الامتحان ده وبجد يعني قصيدة عظيمة لشاعره اعظم
اللي عجبني اوي اروح له من سكات معناها ايه ؟ واعتقد انها دكاكيني
شكرا لك على البوست اللي دمه خفيف ده
بشكرك جزيلا...لكن للاسف انا لا اتحدث مع اى شخص على الايميل وان امكن ممكن عن طريق البلوجر تشرح لى الخطوات...اشكرك
سبهللة عالآخر :أولا شكرا لزيارة المدونه وبخصوص الترجمه فدي مشكله سببها ان الويندوز مش لاقي لغه تتفق مع الكلام المكتوب وده ممكن يكون عيب في نسخة الويندوز دي ولو كانت الرساله دي مهمه كده رأيي انك تشوفيها على أي جهاز تاني في سيبر مثلا وبالمرة تسألي عن حلها..
The Queen :العفو يا كوين وانشاء الله بقيته هنزله النهارده وجوابك صح وطبعا حتى لو كان مش صح هقولك صح برضه لأن كله بينجح عندنا..؟ وبعدين اكرام الضيف واجب وبمناسبة الواجب عملتيه ولا لأ؟
gannah :أوك يا جنه ان شاء الله هكلمك على مدونتك وأقولك الخطوات ..وشكرا للمتابعه
احب اقولك انها مش مشكلة ويندوز ولا حاجة لان نسخة الويندوز اللى عندى اصلية ومعمولها update ثانيا عندى ميل تانى على الياهو وبيتفتح ويتقرى عادى
المهم ما تغلش بالك انا خلاص عرفت افك الهيروغليفى
رحت اخدت كورس فى المتحف المصرى
والحمد لله المشكلة اتحلت
وشكرا على اهتمامك
إرسال تعليق