الخميس، 6 مارس 2008
أمثال فكاهيه ألذ .. ألذ.. ألذ
اللى بيته من إزاز ميغيرش هدومه فى الصالون
لو حبيبك عسل ما تحطلوش طحينة
فاقد الشىء يدور عليه
اقلب القدره على فومها الفول يقع منها
تأتى الرياح محمله بالأتربة
ياخبرالنهارده بفلوس بكره ينزل عليه أوكازيون
اللى معاه قرش محيره يجيب حمام ويحمره
جت الحزينه تفرح شغلت شريط حكيم وقعدت ترقص
قال يامحشحشين يكفيكوا شر الكمين
للى ياكل لوحده يشبع
لاتبكى على اللبن فى البسكوت
اقطع عرق و حته بتلو
اطبخى ياجاريه الأنبوبه فاضيه يا سيدى
اللى يتلسع من الشوربه يتصل بالمطافى
وبكره ترجع ريما من عند خلتها فى مارينا
ياداخل بين البصله وقشرتها حط قطرة علشان هادمع من ريحتها
اصوم اصوم وافطر على المدفع
القرش الأبيض بيعوم فى البحر الأحمر
ضربوا الأعور على عينه قالهم كسرتوا النضاره
اللى ميشفش من الغربال يكشف نظر
المال السايب يعلم الطلبه
نام وارتاح وكل عسل نحل التمساح
من خرج من داره مينساش يأخد المفتاح معاه
الباب اللى يجيجلك منه الريح شيله وركب قبنورى
المضطر يركب التاكسى
رب صدفة خير من ألف ليلة و ليلةوفات الميعاد
اللى يخاف من العفريت يعمل عبيط
المركب اللى فيها رايسين يلعبوا طاولة
اللى خدتوا الأرعه تخدو ام الخلول
اللى ميعرفش يقولwhat
أكل العيش يحب الطعمية
العين عليها lenses
قالو للحرامى أحلف قالهم وحياة قلبى وأفراحوا
الاشتراك في:
تعليقات الرسالة (Atom)
.jpg)
هناك 5 تعليقات:
امثله حلوه ومشيه دلوقتى دى اول زياره ليا وان شاء الله مش هتكون اخرزياره
جاااااااااامدة ودمك خفيف اوىىى
وكتاباتك لذيذة يا باشا
الامثال دى جتلى على الميل .... ههههه بس لذيذة اوى تسلم !
rona:شكرا يا رونا لزيارتك مدونتي المتواضعه وياريت ماتكونش الأخيرة لأن زيارتك أكيد هتسعدني
ann:الله يحفظك يا باشا وشكرا للزيارة وانشاء الله أزورك في القريب العاجل
إرسال تعليق